Любіць

 

Распусьціцца й ня быць –

Узьнікаць,

Усхадзіць…

Што-імгненьне шугаць

І згасаць –

І любіць…

17.06.2023

 

СОНЦА

Хацеў ба нагадаць, што Паэзія ёсьць прыгажаством. Дык жа няма патрэбы запаскуджваць яе. Няможна перамагчы бруд, памнажаючы яго. Лацьвей пільнавацца гэтае дарогі. Калі будзе нашае слова прыгожым і добрым - будзе й Добрае й Прыгожае й мы здабудзем Свабоду. Ня тую Свабоду, што ў матэрыяльным, але тую, што ёсьць Свабодаю Духу, Чысьцінёю й Сьвятлом.

Сонца ізноўку ўзыходзіць над (новай парашай) Нашай Зямлёю;

Вабіць прасторы чароўнай (хлорка і мача) Пяшчота і Пах …

Краю мой – чуцьцяў вятрыска ў (бэтоннай падлозе) Дзіцячай Далоні…

Сонца, схаваўшыся ў дол, прачынаецца ў (стукачах і здрадніках) Нас…

09.05.2023

Turtle is truth…

 

Turtle is truth…

 

Wheels within wheels –

Turtle is truth…

Why are we out here?

Навошта мы тут?

17.04.2023

ЧАЛОМ, ВЕК

 

06.04.2023
 
З турмы ў турму,
Зь зямлі ў попел…
Зь ілюзіі ў сон.
Чалом, век.

संसार

 

02.04.2022
 
Да неба цягнуліся,
Пабудавалі свой Вавілон…
Аднойчы патрапіўшы ў Рай,
Мы б больш на Зямлю
Не зьвярнуліся.
Толькі пакінуўшы цела,
Мы аджываем у новым –
Сансары закон.