Ня роў, не эміграцыя

 
19.04.2022
 
Яны ў жартах толькі
Чулі слова “Нацыя”…
Мне б хоць у вершах захаваць яго!
Жыцьцё – ня роў, не эміграцыя…

.

Зельле

 

01.11.2021

 

Пер’ем белым ток

Сьцеле…

Ме́лін лёсаў сноп

Зьмеле…

Белым будзе сок -

Зельле

Ў кожным, без жыцьця,

Целе…

Тыя, хто забіраюць сны...

 

23.11.2021

 

Ноччу гукі зьнікаюць,

Згасаюць агні...

Пакрысе ажываюць

Тыя, хто забіраюць сны…

Яны моўчкі чакаюць

Цемры, мроку, імглы…

Ты ня сьпіш і шукаеш

Выйсьце з гэтай вайны…

Гэта Наш Дом

 

04.11.2021

 

Я штоноч адчуваю радасьць,

Бо мы сапраўдныя!

Мы жывём!

Сёньня час

Змагацца за праўду, бо

Гэта

Наш

Дом.

Мы й ёсьць Бог

 

09.11.2021

Што б ні было,

Жыцьцё ня зьменіцца

Й не замарудзіць ход…

Сусьвет ня зьнікне,

Зоркі, як і сёньня,

Будуць ладзіць карагод…

Было б сьвятло,

Нас не зламаюць

Болю полымя й астрог…

Мы парасьцем з насеньня

Будзем зноў і зноў з’яўляцца

Ў гэты сьвет, бо мы й ёсьць Бог.

Карнавал

 

08.11.2021

 

Пераварот…

Тэрор

І правакацыі…

Шалёны,

Гідкі карнавал…

Пачуўшы “Генацыд”,

Успамянуў 30-я?

Канвэер цягне й тых

Хто спаў.

Туман

 

14.10.2021

 

Густы шэры туман

Бы працяг нашых сноў…

Ён, хаваючы бруд і пакуты,

Зафарбуе аблокамі сьцены нашых дамоў…

Зямля ў агні...

05.09.2021

 Зямля ў агні...

Гары...

Гары...

Усё згарыць,

А ты

Плыві

Да неба чыстага,

Да новай зямлі...

Хопіць!

 

27.09.2021

 

Радзіма, доля,

Тут няволя,

Бы стаю адзін у чорным полі,

І чакаю сонца промні…

Імчыце безь мяне, коні,

Ахапіла болем скроні…

Вольную абраў, ці Волю?

Жыць, ці век шукаць спакою…

Хопіць?! “Хватит?!”

Ды чаго чакаці, браце!?

Прыйдуць забіваці,

Будзеш енчыць: «Маці»…

Толькі кожны з вас

Ва ўскрайнай хаце…

Попелішча

 

08.09.2021

 

Там, дзе гарэла зямля,

Не сьпяваюць больш галасы…

Хаджу тут моўчкі й я,

І, толькі подых сівой кудасы,

Сярод аскепкаў гнільля,

Фарбуе дрэваў старых валасы…

Іншапланецяне

 

02.09.2021

 

Ты чакаеш іх кожны дзень,

У мэтро, у натоўпе шукаеш,

Адчуваеш іх побач часам,

Яны як цень,

Тыя, хто дапамогуць,

Іншапланецяне…

Атмасфэра Бясьпекі...

 

30.08.2021

 

Гэты цень ад дамоў паглынае сьвятло,

Дзе нідзе дагарае промнямі вечар,

Я штоноч адчуваю, як хутка жыцьцё

Пакідае нас, зьнічкі спаліўшы ў сваёй печы…

 

Гэты шэпат дарог забірае спакой,

Цішыня зараз там, дзе згараюць сьвечкі

Толькі словы, на досьвітку чутныя, “Я з табой”

Непраўдзіва ствараюць атмасфэру бясьпекі…

Свабода й Сны

 

22.08.2021

 

Свабода

І сны…

Вецер узьнімае лісьце,

Што дала прырода,

Страціўшы былое

Сонечнымі колерамі,

У чаканьні

Новай вясны…

Матылькі

 

10.08.2021

Матылькі па-за шклом,

Ня бачна падману і дна.

Сіла сказаных словаў раніць,

Але, забівае віна.

Мастацтву Быць!

 

14.05.2021

 

Мастацтву быць!

Яно аднойчы пераможа…

Сьвятлом напоўніць кожнага навек…

Патрэбна жыць!

Я літары складаю асьцярожна,

Каб зь іх урэшце выйшаў Чалавек!

Страх

 

10.04.2021

 

Горад паглынаюць цені,

Сьпі,

Нават ня думай,

Не выходзь,

Ня дыхай…

Бо пачуюць,

Арыштуюць,

Зьнішчаць…

Зноў і зноў маўчыш,

Сьціраючы сьляды…

Хтосьці ўжо палюе,

І наступны Ты…

Дзяніс Мацеша

@litdenmat