МОЙ "Я"

 

Бывай, мой „Я”,

Бывай.

І не было ані дня,

І не было ані мгненьня

Бяз нас.

25.09.2024

ПЕРШЫМ...

 

Адкінуўшы ўсе „чаму”,

Збочыць на тую-ж сьцежку,

Узорыцца ў цішыню –

Убачыць: Ты ня быў першым…

01.07.2024

ПАЭЗІЯ

 

Паэзія

 

Усьмешкай-збавеньнем разьліцца з дыханьнем,

Сагрэць разьвітальна-спакусьлівым сном,

Адыстар гальлё ўзысьці песьнятворам

Цьвісьці як Каханьне – сьвятлом па-над тлом…

    

фота (c) Дзяніс Мацеша

ЯНЫ

Ня йдуць на могліцах гады –

Ў прыстаньне адпачынку

Прыходжу каб спавесьці сны

Да ценяў нейчых здымкаў.

 

Сьцягнуўшы час даўно крыжы,

Ў сатлелых волкіх скрынках

Жывыя, як і мы, яны

Ў словах і учынках.

22.02.2024 

 

 

НЕ - ГЭТА ТОЛЬКІ СОН

 

не - гэта толькі сон (c)

 

Ў лістападаўскі сон схавацца,

Ізь ім

Паляцець…

Адылі зьледзянець і сьмяяцца

Ды

Звар’яцець.

30.11.2023

Пабачымся зноў

чароўнай стужкай

неба засьціць лёт буслоў

пабачымся зноў?

Калі мяне накрые сон

 

10.11.2023

 

Калі мяне накрые сон саянам-прасьціной,

Сьвятлом атуліць цела сьнег, паветранай вадой

Размые цень, і толькі птушкі з попелу радкоў

На міг няўмысьля словам дотыкаў збунтуюць дол.

Дома цішыня

 

тыя ж зоры
глядзяць скрозь час на мяне
дома цішыня

СЫХОДЗІЦЬ ЛІСЬЦЁ

 

задушны вецер

несхаць сон патурбаваў

сыходзіць лісьцё

One last moment of you

One last moment of you

 

Жоўты камяк прыпыніўся на міг, па-над долам

Вежамі люстры панесьлі сьвятла адбіцьцё…

Мара чароўная, “Я” табе сьніцца, спатоля,

Прымірсны водблесь жыцьця, бы яго й не было.

“Я” хацеў ба

Выдлыж моклых дарог распускаецца белая твань…

“Я” хацеў ба забыцца на гэты зьняслаўлены нерат…

Часам вобач каменьня відзежа зьяўляецца – “Бог”

Не зьмяняе зрабованы час у прыстанішчы “Зьвера”...

 

Кахаю Цябе…

 

“Мы” –

Птушкі ўяўныя

Дзьве

Ў “анідзе” …

Кахаю Цябе…

03.07.2023

“МЫ” – БОГ

 

 

Ў несканчоным імкненьні зданьнёвым “Мы” – госьці…

Нарадзіўся – памры: чораў, глеба ды косьці…

Покуль Куля зьвярнецца на сонечны бок,

Цемрадзь tempo зайграе – дамоўка і плот…

 

Ў векавечным марцьвеньні-чаканьні “Мы” – хтосьці:

Каляровыя плямы надзеі і злосьці…

Самахоць прысьпяшаем быцьця калаўрот…

Толькі ў кождым імгненьні Каханьня “Мы” – Бог.

13.07.2023           “Мы” – Бог

सत्त्व

Страціла істасьць

І колеры, й хформы…

Толькі паэзія –

Музыка вольных…

 

Мо жыў і птушкай –

Куляй зямною…

Але ў кождым з жыцьцяў

“Я” быў з “Табою”…

29.06.2023

Лакрымоза

 

     

Лакрымоза

 

Парась займае памроку

Й плыве ў забыцьцё неўпрыцям…

Ведае “Я” –

“Ты” далёка…

Ведаеш “Ты” –

“Я” – там…

Runanubandha

 Runanubandha

 

Ці рэкі спадаюць у дол, ці імкнуцца ўгару?

Чым ёсьць “Мы” ў “сягоньня” й ці будзем заўтра?

Пытаньні зьяўляюцца ў кождым імгненьні, “Жыву”,

Дапокуль жывая Runanubandha

21.05.2023   

Я БУДУ З ТАБОЮ

02.08.2022

Лесам маўклівым

З травою жывою

Я буду шчасьлівым

"Я" будзе з Табою...

МЭЛЁДЫЯ НАШАГА СНУ

 07.06.2022

Я сказаў:

Гэта сон.

Адказала:

Ілюзія сну...

Я шукаў

Не жыцьцё.

Мы шукалі

Мэлёдыю

Нашага сну...

Closer to You…

 

21.05.2022

 

Бліжэй за размову

Толькі маўчаньне –

Знаёмыя сэрцу

Надзея й сум…

 

Бліжэй за свабоду

Толькі прызнаньне.

Паветра зьнікае – быць

Closer to You…

Ne verba pro farina

 09.05.2022 (Ne verba pro farina)

 

Сама сябе ня даглядзіць

Парэчка ды маліна.

Гарбату трэба саладзіць –

Ne verba pro farina.      

(Прыўвершы)