СЛОВЫ

 

14.07.2022

 

Мікраць-сон, небыцьцё…

Толькі словы-чароды пахаў,

Што сьпявае Жыцьцё,

Ёсьць назовы пачуцьцяў-птахаў…

Я БУДУ З ТАБОЮ

02.08.2022

Лесам маўклівым

З травою жывою

Я буду шчасьлівым

"Я" будзе з Табою...

Зьмяняецца мова

13.06.2022

Лес замоўк,

Распусьціўся і зьнік…

У пачуцьцях

Нябачная схова…

То ба то

Ўсьміхаецца месяц-грыбнік…

Час спыніўся –

Зьмяняецца Мова…

Мова - Жыцьцё

 

23.05.2022

 

Сэрцам пачутыя словы:

Блізкія, новыя…

Мова Наша – пачуцьці

Бязьмежныя, каляровыя...

Наша Мова – Жыцьцё!

І Мы Сьвятлом поўныя.

Closer to You…

 

21.05.2022

 

Бліжэй за размову

Толькі маўчаньне –

Знаёмыя сэрцу

Надзея й сум…

 

Бліжэй за свабоду

Толькі прызнаньне.

Паветра зьнікае – быць

Closer to You…

ДЗЕСЬЦІ ТАМ

 

02.01.2022

 

цыкл ІЛЮЗІЯ

 

Людзі хто моўчкі,

Хто з крыкам,

Зьнікаюць –

Часу туман.

 

Фота зьмяняюцца

І паміраюць –

Дзесьці там

І я сам…

Разам

 
23.03.2022
 
Дотыкі ніколі не змаўкаюць –
Целаў блізкасьць, абяцаньні “Назаўжды”…
Ў кожнае зь імгненьняў РАЗАМ
Нараджаюцца й паміраюць
Літары – пачуцьцяў галасы.

💕💕💕