А МОЖА

 

А можа гэта ўсё й няпраўда –

Меньні-займеньні. Пра што? Аб чым?

Можа не было „ўчора” ды й ня будзе „заўтра”

Можа „Я” й ня быў „Ім”.

ПАЭЗІЯ

 

Паэзія

 

Усьмешкай-збавеньнем разьліцца з дыханьнем,

Сагрэць разьвітальна-спакусьлівым сном,

Адыстар гальлё ўзысьці песьнятворам

Цьвісьці як Каханьне – сьвятлом па-над тлом…

    

фота (c) Дзяніс Мацеша

Дарога і схоў

штрыхкодам шэрым
лес адбіўся ў восені
дарога і схоў

 

Я - МОВА

 Я - Мова

Я – 

Толькі слова ў цішыні,

А слова –

Гукі ў вышыні

Пачуцьцяў – 

Мова…

Я –

Бліскаўка ўдалечыні,

А Мова –

Сьлед у цішыні,

А сьлед –

Размова…

Не Забыцца...

 

17.10.2021

Проста быць тут…

Забыцца на ўсё

І зьнікнуць,

Зьліцца зь сьвятлом, і,

Распусьціцца ў бязьмежжы

Блакітным агнём…

Проста жыць,

Не зламіцца,

Ісьці наперад,

Гучней,

Ярчэй гарэць,

Не стаміцца,

І, не забыцца ,

На досьвітку,

Лепшым з сваіх сябе

Запомніцца й прысьніцца…

Штучны Сьвет

 

12.12.2021

 

Штучныя сьцены й

Штучны сюжэт...

Штучныя ўсе мы.

Штучны ўвесь бачны сьвет.

Не Трымай...

 

09.12.2021

 

Я бягу ўсё хутчэй, шыбчэй,

Разумею –

Не пасьпяваю…

Ззаду бездань бяссонных начэй,

Не трымай мяне!

Я адчуваю…

Гісторыя Здымкаў

 
27.10.2021
 
Як жывая легенда
Каханьня, абдымкаў…
Часам наша жыцьцё –
Гісторыя здымкаў…

Жыцьцё

21.10.2021

 

Мы ня бачым жыцьцё,

Праляцім толькі ўздоўж…

Існуем, нібы сьлед на вадзе,

Што пакінуў дождж… 

Адчуваю - жыву...

 

18.10.2021

 

Крокі нячутныя…

Ціхія гукі…

Адчуваю – жыву…

 

Рэзананс на вадзе…

Ледзь кранаюць паветра рукі…

Сьлед на мяккім пяску…

Туман

 

14.10.2021

 

Густы шэры туман

Бы працяг нашых сноў…

Ён, хаваючы бруд і пакуты,

Зафарбуе аблокамі сьцены нашых дамоў…

З Свабодаю

 10.10.2021

Пакіньце сабе

Сваё чорнае сонца.

Я той, хто брыдзе

Па дарозе адзін...

Праз літары й слова

Блукаю бясконца,

З свабодаю ў кожнай

З пражытых хвілін...

 

Мой дом...

 

26.09.2021

 

Неба чыстае,

Як жывое,

Паветра празрыстае

Побач з табой,

Маёй зямлёй,

Домам,

Што там, за ракой,

Цішынёй

За яго сьцяной…

Я тут, а ты там...

 

13.09.2021

 

Зноўку ты там,

Ня побач…

Зноўку згарае храм…

Зноўку жыцьцё,

І роспач,

Зноўку я тут,

А ты там…

Попелішча

 

08.09.2021

 

Там, дзе гарэла зямля,

Не сьпяваюць больш галасы…

Хаджу тут моўчкі й я,

І, толькі подых сівой кудасы,

Сярод аскепкаў гнільля,

Фарбуе дрэваў старых валасы…

Час

 

12.07.2021

 

Усё, што ты маеш, згубіш з часам,

Ня чутныя гукі мінулых падзей…

Час забірае ўсё хутка, разам,

Тых, што калісь сустракаў, гасьцей…

Словы, што дзесьці казаў,

Зьнікаюць з часам,

Думкі, калі й змаўчаць прасьцей,

Як не трымаю, зьнікаюць з часам

Лініі вуснаў і колер вачэй… 

Дзе Я?

 

05.07.2021

 

Штось зьмянілася,

Зьнікла й звар’яцела…

Я гляджу на кругі ў вадзе…

Дзе “Я”? Хто там

Глядзіць на мяне скрозь твань нясьмела?

Я згубіў сябе там,

Дзе крэйдай абрысована цела…

Я забыўся

 

04.07.2021

 

Я забыўся на штось дарагое,

Каб аднойчы зьвярнуцца за ім…

Пакідаючы ў сэрцы былое,

Пасяляеш там успамін…

Наш Анёл

 24.05.2021

Прыйдзе час…

Мне пакінуць хвіліну

Маўклівыя вежы дамоў…

Штось зашэпчуць таемна расьліны,

Бы ў самым казачным з сноў…

Прыйдзе час…

Зь незабытным расстаньня,

З усім, што шукаў і знайшоў…

Прыйдзе час…

Мы ўбачымся зноўку дзесьці

Я, Ты, наш Анёл…

Мастацтву Быць!

 

14.05.2021

 

Мастацтву быць!

Яно аднойчы пераможа…

Сьвятлом напоўніць кожнага навек…

Патрэбна жыць!

Я літары складаю асьцярожна,

Каб зь іх урэшце выйшаў Чалавек!