МНЕ ВАШАЕ "ПРАВДЫ" НЯ ТРЭБА

 08.03.2023

Мне вашае “правды” ня трэба,

Ці пекла вас вабіць ці “ад”…

Хай гноем зьвярнецца ў глебу

Апошні забіты “солдат”…

 

Свабода вышэй за “победу”,

Жыцьцё – не бядота і страх…

Калі й ісьці, то па Небу,

Калі й паміраць, то як птах…

Ня роў, не эміграцыя

 
19.04.2022
 
Яны ў жартах толькі
Чулі слова “Нацыя”…
Мне б хоць у вершах захаваць яго!
Жыцьцё – ня роў, не эміграцыя…

.

ВАЙНА (Вершы-Спарышы\Двайчаткі)

03.04.2022

1.Вайна

 

Вецер зьдзьме

З падваконьня попел…

Сьвет сказіць

Павучыньне-шкло…

 

На далоні

Ў Анёла кроплі –

Не пасьпеў

Затуліць жыцьцё…

 

2.Вайна

 

Вецер дзьме,

Ў паветры попел…

Шыба шчэрбамі

Рэжа сьвятло…

 

На далоні

Ў анёла кроплі –

Ў кожнай

Страчанае жыцьцё.