Лакрымоза

 

     

Лакрымоза

 

Парась займае памроку

Й плыве ў забыцьцё неўпрыцям…

Ведае “Я” –

“Ты” далёка…

Ведаеш “Ты” –

“Я” – там…

ДА ЗОР

 

05.01.2022

 

Сёньня прысьніліся

Хвалі –

Неба

Й птушкі белыя –

Звалі

Ў ноч –

Несканчо́ны прастор,

Сёньня жывы –

Да зор.

З Свабодаю

 10.10.2021

Пакіньце сабе

Сваё чорнае сонца.

Я той, хто брыдзе

Па дарозе адзін...

Праз літары й слова

Блукаю бясконца,

З свабодаю ў кожнай

З пражытых хвілін...

 

Каханьне

 

6.10.2021

 

Апошнім пачую твой голас ціхі,

І цела маё распускаецца ў дым…

Зьнікае ў нябыце ўсё,

Толькі кроплі на шчоках каханьня крык,

І я ў ім…

Сьпявай!

 23.09.2021

 

Сьпявае бясконцае неба,

Сьпявае лісьцё на гальлі…

Сьпяваюць хуткія рэкі,

Сьпяваюць ральля й палі…

Сьпявае праменямі сонца,

Сьпяваюць зьнічкі – агні…

Сьпяваю й я зь імі,

Сьпявае жыцьцё на Зямлі… 

Быць сабой

 

20.09.2021

 

Быць цэлым сусьветам,

Калі ты адзін,

Хто рады дасьць,

Хто дапаможа?

Ня трэба адмовак шукаць і прычын,

Заранкі з’яўляюцца ў кожным зь мясьцін,

Будзь проста сабой,

Будзь прыгожым…

За Гарызонтам...

 

07.09.2021

Словы – вада

На каменьні,

Як зьнічкі,

Жывуць імгненьні,

І падае зь неба

Ня чутна сьляза…  

Да гарызонту толькі цені,

А ты пашукай За…

Сузор'е

 

18.08.2021

 

Сузор’е ў небе як думка,

Сузор’е як коткі сьлед,

Сузор’е падобна да рысаў

Твайго пацалунка,

У кожным жыцьцё і сусьвет.