ПАЭЗІЯ

 

Паэзія

 

Усьмешкай-збавеньнем разьліцца з дыханьнем,

Сагрэць разьвітальна-спакусьлівым сном,

Адыстар гальлё ўзысьці песьнятворам

Цьвісьці як Каханьне – сьвятлом па-над тлом…

    

фота (c) Дзяніс Мацеша

НІ-А-НІ

 

 

Патану ў цішыні нейчых думак, што, праўда,

Ня ёсць у быцьці чымсьці значным, упарта

Гартае ў “сабе” ўсюдыісты “Я” сны,

Неўзіраны блуканец, а ў ім – ні-а-ні.

08.12.2023

Пабачымся зноў

чароўнай стужкай

неба засьціць лёт буслоў

пабачымся зноў?

КАРМІЦЬ ГАЛУБОЎ

 

Калі навет усё ўяўнае ў мяне забраць,

Я ведаю, што тут буду рабіць:

Выходзіць на двор і карміць галубоў...

01.02.2023

ПАЦАЛУНАК

19.12.2021
 
Неба з адтуліны.
Поўня малюе сьвятло,
Вэ́льмам ліецца няроўным
На сьцены і
Цела маё…
Раптам зазьзяла сьняжынка,
Сустрэўшы вакно –
Сьвяточны зімы пацалунак
Скрозь краты і
Шкло…

 Прысьвячаецца Стасі Міронцавай

(малюнак Стасі Міронцавай)

МЫ Й ЁСЬЦЬ БОГ

       Што б ні было,

Жыцьцё ня зьменіцца

Й не замарудзіць ход…

Сусьвет ня зьнікне,

Зоркі, як і сёньня,

Будуць ладзіць карагод…

Было б сьвятло,

Нас не зламаюць

Болю полымя й астрог…

Мы парасьцем з насеньня

Будзем зноў і зноў з’яўляцца

Ў гэты сьвет, бо

Мы й ёсьць Бог.

Я - МОВА

 Я - Мова

Я – 

Толькі слова ў цішыні,

А слова –

Гукі ў вышыні

Пачуцьцяў – 

Мова…

Я –

Бліскаўка ўдалечыні,

А Мова –

Сьлед у цішыні,

А сьлед –

Размова…

Гэта Наш Дом

 

04.11.2021

 

Я штоноч адчуваю радасьць,

Бо мы сапраўдныя!

Мы жывём!

Сёньня час

Змагацца за праўду, бо

Гэта

Наш

Дом.

Мы й ёсьць Бог

 

09.11.2021

Што б ні было,

Жыцьцё ня зьменіцца

Й не замарудзіць ход…

Сусьвет ня зьнікне,

Зоркі, як і сёньня,

Будуць ладзіць карагод…

Было б сьвятло,

Нас не зламаюць

Болю полымя й астрог…

Мы парасьцем з насеньня

Будзем зноў і зноў з’яўляцца

Ў гэты сьвет, бо мы й ёсьць Бог.