Дома цішыня

 

тыя ж зоры
глядзяць скрозь час на мяне
дома цішыня

Кахаю Цябе…

 

“Мы” –

Птушкі ўяўныя

Дзьве

Ў “анідзе” …

Кахаю Цябе…

03.07.2023

Runanubandha

 Runanubandha

 

Ці рэкі спадаюць у дол, ці імкнуцца ўгару?

Чым ёсьць “Мы” ў “сягоньня” й ці будзем заўтра?

Пытаньні зьяўляюцца ў кождым імгненьні, “Жыву”,

Дапокуль жывая Runanubandha

21.05.2023   

ІДЫЛЬЛЯ

 

Чароўнасьць сьпеваў
Лугаўя…
Спароўнасьць целаў –
“Ты” і “Я” …

24.04.2023

КАРМІЦЬ ГАЛУБОЎ

 

Калі навет усё ўяўнае ў мяне забраць,

Я ведаю, што тут буду рабіць:

Выходзіць на двор і карміць галубоў...

01.02.2023

SLOW MOTION

08.02.2023

Целы нашыя зьніклі,

Мы чуцьці

І цішыня…

 

Існуе толькі гэты

Slow motion

І пусьціня…

Хай ілюзія гэтая сон

        01.10.2022

 

Мы ўроілі сонца й дом –

Хай сустрэнемся ўвечары зноўку

На ганку

Імгненьнем відзежы быцьця…

 

Хай ілюзія гэтая сон,

Я з Табой застануся ў крозах

Да ранку –

Апошняе ночы Жыцьця…

 

СЛОВЫ

 

14.07.2022

 

Мікраць-сон, небыцьцё…

Толькі словы-чароды пахаў,

Што сьпявае Жыцьцё,

Ёсьць назовы пачуцьцяў-птахаў…

Я З ТАБОЙ

 

17.10.2022

 

Мрэе лес…

Там, дзе месяц і сон

Па-над целам ракой -

Супакой…

 

“Я” Жывы…

Палымее пяшчота

Й пошугаў рой,

Я з Табой…

СЬВЯТЛО Й КАХАНЬНЕ

 

25.08.2022

 

Мы – ня тая любоў,

Што да неба імкненьне

Й Раю чаканьне,

Мы – Паветра й поўныя

Чуцьцяў Свабоды імгненьні –

Сьвятло і Каханьне.

Я БУДУ З ТАБОЮ

02.08.2022

Лесам маўклівым

З травою жывою

Я буду шчасьлівым

"Я" будзе з Табою...

ПОШУГ НАШЫХ КАХАНЬНЯЎ

 
01.08.2022
 
На пазвышшы жаданьняў,
Ў начной цішы
Пошуг Нашых Каханьняў,
Мы сьпім?
                    - Пішам…

МЭЛЁДЫЯ НАШАГА СНУ

 07.06.2022

Я сказаў:

Гэта сон.

Адказала:

Ілюзія сну...

Я шукаў

Не жыцьцё.

Мы шукалі

Мэлёдыю

Нашага сну...

Зьмяняецца мова

13.06.2022

Лес замоўк,

Распусьціўся і зьнік…

У пачуцьцях

Нябачная схова…

То ба то

Ўсьміхаецца месяц-грыбнік…

Час спыніўся –

Зьмяняецца Мова…

Мова - Жыцьцё

 

23.05.2022

 

Сэрцам пачутыя словы:

Блізкія, новыя…

Мова Наша – пачуцьці

Бязьмежныя, каляровыя...

Наша Мова – Жыцьцё!

І Мы Сьвятлом поўныя.

Closer to You…

 

21.05.2022

 

Бліжэй за размову

Толькі маўчаньне –

Знаёмыя сэрцу

Надзея й сум…

 

Бліжэй за свабоду

Толькі прызнаньне.

Паветра зьнікае – быць

Closer to You…

Я З ТАБОЙ

 

16.05.2022

 

Я з Табой

 

Пах не сказаных словаў,

Кветкавых, пачуцьцёвых…

Водар блізкі, знаёмы…

Я з Табой –

Я дома.

Я ЛЮБЛЮ ТЫЯ ВОЧЫ

05.05.2022 

Я люблю
Тыя вочы,
Што ў марах
Штодзённа й поўныя
Поўняю ночы…
Люблю
Тыя вочы…

ХАЧУ БЫЦЬ...

 

25.04.2022

 

Я не жадаю жадаць,

Жаданьні спыніць…

Калі ж адчуваю цябе побач –

Хачу "БЫЦЬ"…

ПРАЖЫЦЬ ДЗЕНЬ

 

17.04.2022
 
Адзін верш да сьвітаньня…
Абноч сьцень…
І, зноўку, імгненьні да новага раньня -

Пражыў дзень…