Дома цішыня

 

тыя ж зоры
глядзяць скрозь час на мяне
дома цішыня

Любіць

 

Распусьціцца й ня быць –

Узьнікаць,

Усхадзіць…

Што-імгненьне шугаць

І згасаць –

І любіць…

17.06.2023

 

СОНЦА

Хацеў ба нагадаць, што Паэзія ёсьць прыгажаством. Дык жа няма патрэбы запаскуджваць яе. Няможна перамагчы бруд, памнажаючы яго. Лацьвей пільнавацца гэтае дарогі. Калі будзе нашае слова прыгожым і добрым - будзе й Добрае й Прыгожае й мы здабудзем Свабоду. Ня тую Свабоду, што ў матэрыяльным, але тую, што ёсьць Свабодаю Духу, Чысьцінёю й Сьвятлом.

Сонца ізноўку ўзыходзіць над (новай парашай) Нашай Зямлёю;

Вабіць прасторы чароўнай (хлорка і мача) Пяшчота і Пах …

Краю мой – чуцьцяў вятрыска ў (бэтоннай падлозе) Дзіцячай Далоні…

Сонца, схаваўшыся ў дол, прачынаецца ў (стукачах і здрадніках) Нас…

09.05.2023

МНЕ ВАШАЕ "ПРАВДЫ" НЯ ТРЭБА

 08.03.2023

Мне вашае “правды” ня трэба,

Ці пекла вас вабіць ці “ад”…

Хай гноем зьвярнецца ў глебу

Апошні забіты “солдат”…

 

Свабода вышэй за “победу”,

Жыцьцё – не бядота і страх…

Калі й ісьці, то па Небу,

Калі й паміраць, то як птах…

ДА ЗОР

 

05.01.2022

 

Сёньня прысьніліся

Хвалі –

Неба

Й птушкі белыя –

Звалі

Ў ноч –

Несканчо́ны прастор,

Сёньня жывы –

Да зор.

Only from you

 

30.03.2022

Будуюць змовы
Неба з безданьню –
Я не існую…
 
Пачую словы
Пра “Кахаю” й “Люблю”
Only from You…

Мне б у неба

 

11.10.2021

 

А мне б адчуць той смак

І пах паветра,

Мне б у неба

З хуткім ветрам…

Мне б яшчэ пабыць

Хоць трошку побач з домам, тым,

Дзе між сузор’яў зьнічка кожная –

Аб чымсьці сьветлым успамін…

Back to the sky…

 

 

11.07.2021

Back to the sky…

 

Сьпяшайся, бяжы,

Чакай і шукай…

Да самай апошняй мяжы

Даводзяць боль і адчай…

Мы ж дзеля свабоды,

Грай і сьпявай!

Наша з табой дарога –

Back to the sky…