Гэта й ёсьць "Я"

Ты скуль, дзеячасе дарог?

Паэтыка мовы - Зямля.

Пішы за радочкам радок -

Гэта й ёсьць "Я"

фота Дзяніс Мацеша(С)

 

ГІДЗЬ

Балотам называюць Дом,

Бацькоў - статкам задзяўбаным,

Які сьпіць.

Дрымота - не залога - схоў,

А там, дзе жабаў краханьне,

І ёсьць Гідзь.

НЕЙЧЫ "Я"

 

05.12.2023

 

Сьнежань-сон, кавэрня забыцьця,

Цішыня-дыханьне –

Нейчы “Я”

 

Сам-на-сам паветрам-мітусьнёй

Абыноч спрачаецца

З “сабой” …

РОЗКВІТНУТИ ФІАЛКОЮ

 

та скоріше б уже весна

щоб нарешті

розквітнути

фіалкою.    (Максим Кривцов)

 

Песьняй над ворывам сон разьліецца

Зь вясновым крылом…

Чуеш?

Уразьнік на золку шапоча

Пялёсткамі слоў…

08.01.2024

Калі мяне накрые сон

 

10.11.2023

 

Калі мяне накрые сон саянам-прасьціной,

Сьвятлом атуліць цела сьнег, паветранай вадой

Размые цень, і толькі птушкі з попелу радкоў

На міг няўмысьля словам дотыкаў збунтуюць дол.

СЫХОДЗІЦЬ ЛІСЬЦЁ

 

задушны вецер

несхаць сон патурбаваў

сыходзіць лісьцё

Кахаю Цябе…

 

“Мы” –

Птушкі ўяўныя

Дзьве

Ў “анідзе” …

Кахаю Цябе…

03.07.2023

“МЫ” – БОГ

 

 

Ў несканчоным імкненьні зданьнёвым “Мы” – госьці…

Нарадзіўся – памры: чораў, глеба ды косьці…

Покуль Куля зьвярнецца на сонечны бок,

Цемрадзь tempo зайграе – дамоўка і плот…

 

Ў векавечным марцьвеньні-чаканьні “Мы” – хтосьці:

Каляровыя плямы надзеі і злосьці…

Самахоць прысьпяшаем быцьця калаўрот…

Толькі ў кождым імгненьні Каханьня “Мы” – Бог.

13.07.2023           “Мы” – Бог

СОНЦА

Хацеў ба нагадаць, што Паэзія ёсьць прыгажаством. Дык жа няма патрэбы запаскуджваць яе. Няможна перамагчы бруд, памнажаючы яго. Лацьвей пільнавацца гэтае дарогі. Калі будзе нашае слова прыгожым і добрым - будзе й Добрае й Прыгожае й мы здабудзем Свабоду. Ня тую Свабоду, што ў матэрыяльным, але тую, што ёсьць Свабодаю Духу, Чысьцінёю й Сьвятлом.

Сонца ізноўку ўзыходзіць над (новай парашай) Нашай Зямлёю;

Вабіць прасторы чароўнай (хлорка і мача) Пяшчота і Пах …

Краю мой – чуцьцяў вятрыска ў (бэтоннай падлозе) Дзіцячай Далоні…

Сонца, схаваўшыся ў дол, прачынаецца ў (стукачах і здрадніках) Нас…

09.05.2023

POEMAS ___Traducción Española___Translation by © Ángela Espinosa Ruiz

 Пераклады маіх вершаў на Гішпанскую мову у межах праекту

https://freeallwords.org/

***

Lo perderás todo salvo la palabra…

 

Cuando todo estalle,

Y cambie su rumbo la Tierra,

Del esplendor perenne

El mundo oirá la voz primera…

 

El último superviviente

Oirá el susurro quedo

 

***

Cada uno da una letra, un verso…

Que se haga la guerra,

Y llore alquitrán el cielo.

Nuestras letras: un mensaje entero…

Que el fondo no venga,

Una isla haremos.

 

 

***

 

Todos los días sin parar

Humea el crematorio de campo,

Y se hace cola

Para la tumba-invernadero…

 

Susurrará encantado

Lo que quema:

„Os „salvaremos“

–

404.

***

Translation by © Ángela Espinosa Ruiz

https://freeallwords.org/dzianis-maciesa/

 

НЕПРАВОЛЬ МНЕ ЦЯПЕР СПАЗНАВАЦЦА

 

16.07.2022
 
Неправоль мне цяпер спазнавацца,
Чалавекам “Я” ёсьць, або Зьвер
Прымушае ісьці й змагацца,
Бо Жыцьцё не ўзяць напавер…
 
Мы дачасныя, міг зазявацца,
Як зьлічво скончыць дым ці кар’ер…
Лес пасьветчаньнем будзе хістацца,
І сьпяе па-над дрыгвай аер…

Ne verba pro farina

 09.05.2022 (Ne verba pro farina)

 

Сама сябе ня даглядзіць

Парэчка ды маліна.

Гарбату трэба саладзіць –

Ne verba pro farina.      

(Прыўвершы)

ЛІТАРАТУРНАЕ...

 

31.03.2022

Вы маё

Каханьне -

Чымсьці сумнае,

Але прыгожае,

Бязьмежнае,

Літаратурнае...

МЫ Й ЁСЬЦЬ БОГ

       Што б ні было,

Жыцьцё ня зьменіцца

Й не замарудзіць ход…

Сусьвет ня зьнікне,

Зоркі, як і сёньня,

Будуць ладзіць карагод…

Было б сьвятло,

Нас не зламаюць

Болю полымя й астрог…

Мы парасьцем з насеньня

Будзем зноў і зноў з’яўляцца

Ў гэты сьвет, бо

Мы й ёсьць Бог.

Промні жыцьця

 

04.11.2021

 

Я ў ценях сьвітанку

Шукаю сябе…

Гэтак дома, калісьці, ранкам,

Я вітаўся з сьвятлом,

Зьбіраючы промні жыцьця

На ганку…

Мяжа Адзіноты...

 

29.12.2021

 

Шукаю мяжу

Сваёй

Адзіноты…

Што гэта?

Крыжыкі?

Ноты?

 

Літары.

Я дапішу,

Але,

Потым…

Дзе канец - там пачатак новага...

 

26.12.2021

 

З дымам белым

Зьнікае ўсё

Зноў,

Дзе канец –

Там пачатак

Новага,

Дзе

Растаньне –

Каханьне й любоў.

Намалюй мой партрэт

 

13.12.2021

 

Намалюй мой партрэт

Вугальлём на пяску –

Забірае абра́з прыбой...

 

Закруціўся сюжэт,

Размываючы маску,

Сьцягнуўшы мяне з галавой.

Маўклівы палон

 

09.12.2021

 

Водар чароўны…

Шэпат…

Капкі дажджу

Кранаюць далонь…

Я быў апошні…

Лета…

Думкі й рэчы –

Маўклівы палон…

Падарожжа ў сябе

 

04.12.2021

 

Падарожжа ў сябе –

Недасяжны космас.

Мы ў пачуцьцях сьляпых

Адлюстроўваем сьвет…

Падарожжа ў сябе –

Гэта зьнішчыць розум,

Што ў крупках вобразаў

Бачыць Сусьвет…