Дзесьці там...

 

14.09.2021

 

Целам нібы тут,

Але за цішыню

Ўсё аддам…

Кожную зь мінут

Я духам

Дзесьці там…

Свабода й Сны

 

22.08.2021

 

Свабода

І сны…

Вецер узьнімае лісьце,

Што дала прырода,

Страціўшы былое

Сонечнымі колерамі,

У чаканьні

Новай вясны…

Я - Свабода!

 

20.07.2021

 

“Я” той, хто заўсёды быў Тут,

Сьведчыць прырода,

У кожным з прамянёў Сонца,

У капках сьлёз і слове пра Бога,

Лятунках прыгожых, шчасьлівых,

І зьзяў бясконца

Ад зьяўленьня да небасхілу,

Ты чуеш? Сусьвет Жыве!

Я – Свабода!

Дзе Я?

 

05.07.2021

 

Штось зьмянілася,

Зьнікла й звар’яцела…

Я гляджу на кругі ў вадзе…

Дзе “Я”? Хто там

Глядзіць на мяне скрозь твань нясьмела?

Я згубіў сябе там,

Дзе крэйдай абрысована цела…