“МЫ” – БОГ

 

 

Ў несканчоным імкненьні зданьнёвым “Мы” – госьці…

Нарадзіўся – памры: чораў, глеба ды косьці…

Покуль Куля зьвярнецца на сонечны бок,

Цемрадзь tempo зайграе – дамоўка і плот…

 

Ў векавечным марцьвеньні-чаканьні “Мы” – хтосьці:

Каляровыя плямы надзеі і злосьці…

Самахоць прысьпяшаем быцьця калаўрот…

Толькі ў кождым імгненьні Каханьня “Мы” – Бог.

13.07.2023           “Мы” – Бог

Любіць

 

Распусьціцца й ня быць –

Узьнікаць,

Усхадзіць…

Што-імгненьне шугаць

І згасаць –

І любіць…

17.06.2023

 

ЗАЧАРОВАНЫ КВЕЦЬЦЕМ...

Ўсё хаваецца ў дол…

Па асноведзі чорнай

Плыве

Й распускаецца вечар…

 

Толькі неба вакол

Жыве…

І “Я”

Зачарованы квецьцем…

21.03.2023

Turtle is truth…

 

Turtle is truth…

 

Wheels within wheels –

Turtle is truth…

Why are we out here?

Навошта мы тут?

17.04.2023

संसार

 

02.04.2022
 
Да неба цягнуліся,
Пабудавалі свой Вавілон…
Аднойчы патрапіўшы ў Рай,
Мы б больш на Зямлю
Не зьвярнуліся.
Толькі пакінуўшы цела,
Мы аджываем у новым –
Сансары закон.