Тыя, хто забіраюць сны...

 

23.11.2021

 

Ноччу гукі зьнікаюць,

Згасаюць агні...

Пакрысе ажываюць

Тыя, хто забіраюць сны…

Яны моўчкі чакаюць

Цемры, мроку, імглы…

Ты ня сьпіш і шукаеш

Выйсьце з гэтай вайны…

Мастацтву Быць!

 

14.05.2021

 

Мастацтву быць!

Яно аднойчы пераможа…

Сьвятлом напоўніць кожнага навек…

Патрэбна жыць!

Я літары складаю асьцярожна,

Каб зь іх урэшце выйшаў Чалавек!

Сучасным СМЕРШАМ...

 

16.03.2021

 

Колькі дзён

Без свайго жыцьця,

Столькі веры

Ў лепшае,

Колькі імгненьняў

Прасьпіш,

Чыстых, першых,

Столькі імёнаў

На помніках

Будзе, забітых

Сучасным „СМЕРШ”ам…

Дзяніс Мацеша

@litdenmat