Любіць

 

Распусьціцца й ня быць –

Узьнікаць,

Усхадзіць…

Што-імгненьне шугаць

І згасаць –

І любіць…

17.06.2023

 

Промні жыцьця

 

04.11.2021

 

Я ў ценях сьвітанку

Шукаю сябе…

Гэтак дома, калісьці, ранкам,

Я вітаўся з сьвятлом,

Зьбіраючы промні жыцьця

На ганку…

Дзе канец - там пачатак новага...

 

26.12.2021

 

З дымам белым

Зьнікае ўсё

Зноў,

Дзе канец –

Там пачатак

Новага,

Дзе

Растаньне –

Каханьне й любоў.

Штучны Сьвет

 

12.12.2021

 

Штучныя сьцены й

Штучны сюжэт...

Штучныя ўсе мы.

Штучны ўвесь бачны сьвет.

Дарога

29.09.2021

 

Дарога…

Убачыш штосьці,

Што так знаёма,

І сэрца ахопіць

Пачуцьцё суму:

Дзесьці побач месца,

Што называў домам…

Сьпявай!

 23.09.2021

 

Сьпявае бясконцае неба,

Сьпявае лісьцё на гальлі…

Сьпяваюць хуткія рэкі,

Сьпяваюць ральля й палі…

Сьпявае праменямі сонца,

Сьпяваюць зьнічкі – агні…

Сьпяваю й я зь імі,

Сьпявае жыцьцё на Зямлі… 

Мой Дом

 

03.08.2021

 

Мой дом не падобны

Да гораду, вёскі, іншых мясьцін,

На дахі ружовыя,

Цэглу й колер модны,

Ён там,

У  бясконцай плыні спакою хвілін,

Разам з сонцам і зоркамі

Дух свабодны…

Доля...

 

07.04.2021

 

Пустыя вочы дамоў,

Таполя…

Больш не чуваць галасоў

З поля…

Шэпат вятроў і сьпеў ручаеў,

Воля…

Тут маё сэрца і кроў,

Доля…

Дзяніс Мацеша

@litdenmat