Я пішу...

 08.01.2022

Я пішу…

 

Шамаценьне ядвабу белага.

Пер’я рыпаньне –

Песьня ў вушшу…

Атрамэнту адценьня сьпелага

Гукаў сыпаньне –

Я пішу…

Мы застаёмся свабоднымі

 

18.12.2021

 

Шэрыя твары пустыя…

Заход…

Больш не патрэбныя

Словы й рэчы…

Вецер зьдзьмуха́е

Рэшткі целаў...

Мы застаёмся

Свабоднымі.

Промні жыцьця

 

04.11.2021

 

Я ў ценях сьвітанку

Шукаю сябе…

Гэтак дома, калісьці, ранкам,

Я вітаўся з сьвятлом,

Зьбіраючы промні жыцьця

На ганку…

Туман... // З цыклу Ілюзія

 12.01.2022

За парталам у Сьвет

Выліваецца зь неба

Туман… Праглядае празь вечнасьць

Звычайная беднасьць –

Колеру чэрствага хлебу

Бэтонны сусед…

Не Маўчы

 

07.12.2021

 

Зрабе́це Ласку,

Не маўчыце!

На́вет, калі прыйдзе

Мой апошні дзень…

 

Я буду слухаць і пісаць –

Сьпявайце, гаварыце!

По́куль прэч ня сыдзе

Мой уяўны цень…

Не Забыцца...

 

17.10.2021

Проста быць тут…

Забыцца на ўсё

І зьнікнуць,

Зьліцца зь сьвятлом, і,

Распусьціцца ў бязьмежжы

Блакітным агнём…

Проста жыць,

Не зламіцца,

Ісьці наперад,

Гучней,

Ярчэй гарэць,

Не стаміцца,

І, не забыцца ,

На досьвітку,

Лепшым з сваіх сябе

Запомніцца й прысьніцца…

Раманс

 

27.12.2021

 

Горад - Раманс

 

Ціха кроплямі

Дождж на дахах

Танцуе вальс…

Адкладаю справы –

Потым…

На тое час…

За вакном,

З бэтону соты,

Я пачую твой Раманс,

Прад вачамі гукі - ноты,

А потым скажуць:

Дэкаданс…

Мяжа Адзіноты...

 

29.12.2021

 

Шукаю мяжу

Сваёй

Адзіноты…

Што гэта?

Крыжыкі?

Ноты?

 

Літары.

Я дапішу,

Але,

Потым…

Дзе канец - там пачатак новага...

 

26.12.2021

 

З дымам белым

Зьнікае ўсё

Зноў,

Дзе канец –

Там пачатак

Новага,

Дзе

Растаньне –

Каханьне й любоў.

Штучны Сьвет

 

12.12.2021

 

Штучныя сьцены й

Штучны сюжэт...

Штучныя ўсе мы.

Штучны ўвесь бачны сьвет.