Каханьне й Кроў

 

21.03.2022

 
Каляровая бездань
На фота пражытых часоў…
Там каханьні й кроў
Адным колерам,
Толькі празрыстым любоў.

Каханьнем адным

  

23.03.2022

 
Затулі мяне,
Схавай у цемры,
Закружы ў танцы!
Хай ліецца ноч
За шыбамі –
Распусьцімся ў  дым…
 
Забяры мяне,
У лёце сэрцаў
Злучымся ў танцы!
Ўсе нягоды збоч!
Каханьнем
Зробімся адным…

Разам

 
23.03.2022
 
Дотыкі ніколі не змаўкаюць –
Целаў блізкасьць, абяцаньні “Назаўжды”…
Ў кожнае зь імгненьняў РАЗАМ
Нараджаюцца й паміраюць
Літары – пачуцьцяў галасы.

💕💕💕

Твае Пацалункі

22.01.2022
 
Гукі нотавых спрэчак…
Трэскат сьвечкі сьвятла й думкі…
Забяры мяне, вечнасьць,
Я хацеў ба пазбавіцца сну,
Імгненьні свабоды –
Твае пацалункі…
 
Ў кожнай з мараў вясна,
Ў сьвеце красак абдымкі – пачуцьцяў гатункі…
Я гатовы бясконца слухаць
Шэпат роскі на золку,
Імгненьні ў кроку да сонца –
Твае пацалункі.

 

МЫ Й ЁСЬЦЬ БОГ

       Што б ні было,

Жыцьцё ня зьменіцца

Й не замарудзіць ход…

Сусьвет ня зьнікне,

Зоркі, як і сёньня,

Будуць ладзіць карагод…

Было б сьвятло,

Нас не зламаюць

Болю полымя й астрог…

Мы парасьцем з насеньня

Будзем зноў і зноў з’яўляцца

Ў гэты сьвет, бо

Мы й ёсьць Бог.

Я - МОВА

 Я - Мова

Я – 

Толькі слова ў цішыні,

А слова –

Гукі ў вышыні

Пачуцьцяў – 

Мова…

Я –

Бліскаўка ўдалечыні,

А Мова –

Сьлед у цішыні,

А сьлед –

Размова…

Нас Ня Будзе Больш!

 

02.02.2022

 

Нас ня будзе больш –

Сёньня мы птушкі…

Мары блакітныя:

Дом… Вакно…

Твары зь вясьнянкамі,

Сьлезы й пахаду́шкі...

Погляды...

Пацягушкі…

Віно…

 

А нас ня будзе больш.

Сёньня мы сьме́шкі…

Мяню́шкі пяшчотныя…

Сон… Кіно…

Мінушкі  цалункамі,

Абдымкі й вечару́шкі…

Мы...

Імгненьне…

Адно…

 

*

Вясьнянкі – вяснушкі,

Пахадушкі – клопат (у пахадушках – у клопаце)

Мінушкі – вясновая кветка

Сьмешкі – “шутки” (ж.мн)

Вечарушкі – “посиделки”

Track - Velocities - Sleepy Fish

 

Я пішу...

 08.01.2022

Я пішу…

 

Шамаценьне ядвабу белага.

Пер’я рыпаньне –

Песьня ў вушшу…

Атрамэнту адценьня сьпелага

Гукаў сыпаньне –

Я пішу…

Мы застаёмся свабоднымі

 

18.12.2021

 

Шэрыя твары пустыя…

Заход…

Больш не патрэбныя

Словы й рэчы…

Вецер зьдзьмуха́е

Рэшткі целаў...

Мы застаёмся

Свабоднымі.

Промні жыцьця

 

04.11.2021

 

Я ў ценях сьвітанку

Шукаю сябе…

Гэтак дома, калісьці, ранкам,

Я вітаўся з сьвятлом,

Зьбіраючы промні жыцьця

На ганку…