photo @litdenmat (c)
30.05.2021
Хацелася б проста быць…
Ня думаць пра лепшае, горшае,
Супраць ці разам плыць…
Я з вамі й так, па
дарозе
Таксама здольны хадзіць,
Незалежна ад веяньня ў модзе…
Ёсьць толькі жывое, якім трэба жыць…
Час прыйдзе й нам аддзячыць прыродзе,
Зь якой мы ня ў згодзе, а трэба любіць…
Той жар, што палае ў сэрцы,
Не загубіць, а дарыць…
14.09.2021
Целам нібы тут,
Але за цішыню
Ўсё аддам…
Кожную зь мінут
Я духам
Дзесьці там…
15.03.2021
Пакідаючы частку душы,
Не крычы…
Прыйдзе час гаварыць,
Назірай, і маўчы…
Не шукай пэўны шлях,
І ад шчасьця ключы….
Колькі хопіць жаданьня дыхаць,
Пішы...
08.09.2021
Хачу да зорак…
Мне так знаёма
Бясконцасьць…
Прырода са мной,
Я побач…
Дзе б я ні быў,
Я дома…
11.09.2021
Мы выдумалі ўвесь сусьвет
Такім, якім хацелі яго бачыць,
І сябе ў ім…
Так прагнем быць далей,
Чым нетаемны сьвет,
Што блізкае ня бачым,
Толькі дым ад попелішча
Напамін…
10.09.2021
Зноўку новы ранак,
Зіхаціць паветра,
Адчуваю водары вясны,
І подых ветру
Мне крануў зь пяшчотай валасы,
Я ў імгненьні кожным чую
Душаў Вашых галасы…
09.09.2021
Я хацеў ба ўбачыць зноўку
Што ўсяго даражэй,
Што малюю ў сшытках алоўкам
Цягам бяссонных начэй…
Што зіхцее блакітным шоўкам,
Толькі за тканку ярчэй!
Я хацеў ба ўбачыць зноўку
Колер тваіх вачэй…
06.09.2021
Я толькі частка сябе,
Штось блукае
Там, пад зоркамі,
Штосьці ў цемры згасае,
І, часткай сябе,
Я гуляю
Ў небе вясёлкамі…
Штосьці там,
У вадзе,
І сьпявае золкамі,
У паветры,
У кожным сьне
Існую адломкамі…
07.09.2021
Словы – вада
На каменьні,
Як зьнічкі,
Жывуць імгненьні,
І падае зь неба
Ня чутна сьляза…
Да гарызонту толькі цені,
А ты пашукай За…
06.09.2021
Мы ствараем музыку…
Нам сэрцы шэпчуць гукі,
Нотамі празрыстымі,
Пачуцьці, рухі…
Як пяшчота ў летні дзень,
Кранаюць рукі…
Прыгажэй нас толькі цень,
І ценю гукі…
