ПТУШКІ БЯЗ ГНЁЗДАЎ

Жылі мы з дня на дзень, вечныя чужынцы,

птушкі бяз гнёздаў

                                        (С)Ларыса Геніюш

Непавольныя зоры-сны.

Краю мой, прывідна-просты,

Скажы,

Хто мы,

Гнёзды бяз птушак

Ці птушкі бяз гнёздаў?

ДЗЕ ТВОЙ БОГ

 

Дзесь дарогамі старымі

Цераз пожні, дрыгву́, лес

Да бязмоўнае магілы

На узгорак хтось узьлез…

 

Пахіснуўся чалавеча,

Долу сеў і занямог…

Пасьпяшаўся, недарэка –

Сьмерць знайшоў,

А дзе ж твой Бог?

25.01.2023