Шанц

 

31.08.2021

 

Нам дадзены шанц

Пакінуць сьлед,

Няма правілаў…

Такі ідэяльны сьвет,

І толькі імгненьне,

Нібы лятуценьне,

І, зноўку,

Зьнікненьне…

Такі наш век…

Дачакацца б...

 

29.08.2021

 

Хтосьці, як ты,

Мне уключыць музыку,

Хтосьці, як ты,

Падаруе сьвятло,

Мне б крыху цеплаты,

Дабраты і мужнасьці

Дачакацца свабоды разам,

Гэта жыцьцё...

Быць Жыцьцём

 

21.08.2021

 

Дапамогуць нам быць жыцьцём:

Штосьці сьветлае,

Таямніца,

Любоў,

Забыцьцё,

І тое, што сьніцца…

Дапаможа нам жыць усё,

Толькі б вытрываць,

Не зламіцца,

Паветра, каб адчуваць,

Сонца, вецер,

І навальніца…

Новы Дом

 

26.08.2021

 

Мы пабудуем сабе новы дом,

Нам ня будзе ў ім цесна,

Хай кожны з нас, кожным днём,

Мае сваё месца…

Мы тыя, хто мы ёсьць.

 

25.08.2021

 

Хай будзе золатам

Сьляза дзіцяці,

Хай на дно

Не валачэ віна…

Мы тыя, хто мы ёсьць,

І век, пражыты намі,

Будзе поўніцца свабодай,

Кожным выпітай да дна…

Мая Праўда

 

24.08.2021

 

Аснова жыцьця –

Дабро й сьвятло,

Мая праўда…

Яна адна для мяне…

Аднойчы страчу ўсё,

Але не яе,

Яна тая ж будзе й заўтра…

Свабода й Сны

 

22.08.2021

 

Свабода

І сны…

Вецер узьнімае лісьце,

Што дала прырода,

Страціўшы былое

Сонечнымі колерамі,

У чаканьні

Новай вясны…

Сузор'е

 

18.08.2021

 

Сузор’е ў небе як думка,

Сузор’е як коткі сьлед,

Сузор’е падобна да рысаў

Твайго пацалунка,

У кожным жыцьцё і сусьвет.

Мая дарога - Каханьне

21.08.2021

 

Мая дарога дамоў –

Каханьне,

Мая любоў

І прызнаньне,

Вітанкі на досьвітку зь небам,

І з ноччу растаньне…

Ляці!

 

19.08.2021

 

Расьці!

Цягніся ўвысь, да сонца!

У неба чыстае паглядзі,

І адштурхніся!

Ляці!

Да зораў сьвятла,

І жыві бясконца.

Я ў Ім

 

18.08.2021

 

Адчуваю цяпло,

Што ў кожным імгненьні

Прыносіць сонца,

І цела маё

Ідзе за ім…

Адчуваю сьвятло,

Што прымаю зь неба,

Яно бясконцае,

Як прырода,

І я ў ім.

Драма

 

17.08.2021

 

Так нараджаюцца словы:

Паэзія, драма…

Ты не чытай,

Толькі здолей глядзець…

Тое, што ў сэрцы,

Зьнешне схавана,

Можна адчуць,

Перажыць, праляцець.

Любоў і спакой

 

15.08.2021

 

Я ўсё тут пакіну,

І толькі кропля

Роскай на досьвітку

Будзе са мной…

Затрымаю далонь,

Зь неба сьлёзы – мая сотня

Капак у сэрца:

Любоў і спакой…

БЫЦЬ САБОЙ

 

08.08.2021

 

Я страціў кантроль…

Невядома,

Канец гэта,

Альбо пачатак…

Ноч і ціш,

Толькі штосьці шэпча прыбой…

Мы складаем жыцьцё

Зь бясконцай колькасьці частак,

Але,

За пошукам,

Забываемся быць сабой…

Бачыць, Адчуваць, Жыць!

 

10.08.2021

 

Куды імкнецца кроў?!

Крычу:

-         Спыніць, спыніць!

Але ж, мая любоў

Ня мае межаў,

Толькі б бачыць, адчуваць і жыць…

Гэта не Я

 

11.08.2021

 

Я бачу сябе,

І гэта НЕ Я.

Усё – сон,

А думкі ў ім –

Каўканьне  груганьня…

Матылькі

 

10.08.2021

Матылькі па-за шклом,

Ня бачна падману і дна.

Сіла сказаных словаў раніць,

Але, забівае віна.

Аскепкі

 

09.08.2021

 

Вось мы ёсьць…

Нас няма…

Мы аскепкі вечнасьці…

Я адзін, ты адна,

Закруціла віхорам зіма,

Гэта знак непазьбежнасьці…

Жыць зараз!

 

04.08.2021

 

Зоркі зьнікаюць,

Ранак…

Я сустракаю сьвятло…

Жыць зараз!

Бяз межаў, умоваў, пытаньняў,

Навошта й для каго.

Я й ноч

 

04.08.2021

 

Я й ноч.

Мне ня трэба нічога,

У што верыць,

Я й сон,

Мне патрэбна імгненьне,

Жыцьцё зьмерыць…

Мой Дом

 

03.08.2021

 

Мой дом не падобны

Да гораду, вёскі, іншых мясьцін,

На дахі ружовыя,

Цэглу й колер модны,

Ён там,

У  бясконцай плыні спакою хвілін,

Разам з сонцам і зоркамі

Дух свабодны…

Гравітацыя

 

25.07.2021

 

Гравітацыя

 

Я хачу сказаць штосьці,

Зоркі тыя схапіць, нагнаць…

Вярнуць тое, што страчана,

Усё так проста,

Ажно млосна…

Гэта гравітацыя

Не дае спаць…

Я - Свабода!

 

20.07.2021

 

“Я” той, хто заўсёды быў Тут,

Сьведчыць прырода,

У кожным з прамянёў Сонца,

У капках сьлёз і слове пра Бога,

Лятунках прыгожых, шчасьлівых,

І зьзяў бясконца

Ад зьяўленьня да небасхілу,

Ты чуеш? Сусьвет Жыве!

Я – Свабода!