Раманс

 

27.12.2021

 

Горад - Раманс

 

Ціха кроплямі

Дождж на дахах

Танцуе вальс…

Адкладаю справы –

Потым…

На тое час…

За вакном,

З бэтону соты,

Я пачую твой Раманс,

Прад вачамі гукі - ноты,

А потым скажуць:

Дэкаданс…

Мяжа Адзіноты...

 

29.12.2021

 

Шукаю мяжу

Сваёй

Адзіноты…

Што гэта?

Крыжыкі?

Ноты?

 

Літары.

Я дапішу,

Але,

Потым…

Дзе канец - там пачатак новага...

 

26.12.2021

 

З дымам белым

Зьнікае ўсё

Зноў,

Дзе канец –

Там пачатак

Новага,

Дзе

Растаньне –

Каханьне й любоў.

Штучны Сьвет

 

12.12.2021

 

Штучныя сьцены й

Штучны сюжэт...

Штучныя ўсе мы.

Штучны ўвесь бачны сьвет.

Намалюй мой партрэт

 

13.12.2021

 

Намалюй мой партрэт

Вугальлём на пяску –

Забірае абра́з прыбой...

 

Закруціўся сюжэт,

Размываючы маску,

Сьцягнуўшы мяне з галавой.

Застаўся зь зімой…

 

16.12.2021

 

Ты пакінула знак

На зьбялелым вакне,

І сышла –

Застаўся зь зімой…

 

У чароўным партале

Частка цябе

Застаецца

Зьмерзлай вадой…

Дом Мой

 15.12.2021

А за нашым вакном

Пусьціня прасьціной,

Белай, зьмерзлай, вадой,

Дзе ня знойдзеш спакой –

Дом

Мой.

Да канца

 

06.12.2021

 

Да канца –

Гэта значыць знайсьціся

Ў звычайным і простым,

І быць сабой…

Да канца…

Гэта пераплясьціся

Ў прыгожым

Адной ракой…

Восень...

 

22.11.2021

 

Штосьці сарамліва

Нам прашэпча восені лісьцё…

Ціха, палахліва,

Вецер яго зьдзьме ў небыцьцё…

Я не адчуваю больш,

Загінула ўсё…

Вецер зь лісьцем забірае ў нас

Пачуцьці й жыцьцё…

Маўклівы палон

 

09.12.2021

 

Водар чароўны…

Шэпат…

Капкі дажджу

Кранаюць далонь…

Я быў апошні…

Лета…

Думкі й рэчы –

Маўклівы палон…

Не Трымай...

 

09.12.2021

 

Я бягу ўсё хутчэй, шыбчэй,

Разумею –

Не пасьпяваю…

Ззаду бездань бяссонных начэй,

Не трымай мяне!

Я адчуваю…

Пачуцьцяў мова

 08.12.2021

Цішыня…

Непатрэбныя словы…

Сустракаем абдымкам сьвітанак,

Злучыўшыся ў танцы пачуцьцяў мовы…

Падарожжа ў сябе

 

04.12.2021

 

Падарожжа ў сябе –

Недасяжны космас.

Мы ў пачуцьцях сьляпых

Адлюстроўваем сьвет…

Падарожжа ў сябе –

Гэта зьнішчыць розум,

Што ў крупках вобразаў

Бачыць Сусьвет…

Зіма

 

06.12.2021

 

У нашым сусьвеце заўсёды зіма,

Дзе кожны, бы першы, сьнег,

Падае зноўку й зноўку ўніз,

Як лёд ці вада,

Трапляючы ў свой папярэдні сьлед…

Зельле

 

01.11.2021

 

Пер’ем белым ток

Сьцеле…

Ме́лін лёсаў сноп

Зьмеле…

Белым будзе сок -

Зельле

Ў кожным, без жыцьця,

Целе…

Я хацеў ба застацца тут...

 

16.11.2021

 

Я хацеў ба застацца тут –

Дух мой шэпча нясьмела ў вершы…

Хай на некалькі дзён, ці мінут…

Калі разам, ці ёсьць Вышэйшы?

 

Я хацеў ба пакінуць тут

Пра сябе ўспамін лепшы…

Мне сусьвет дае новы маршрут,

Толькі Наш быў усё ж першы…

Тыя, хто забіраюць сны...

 

23.11.2021

 

Ноччу гукі зьнікаюць,

Згасаюць агні...

Пакрысе ажываюць

Тыя, хто забіраюць сны…

Яны моўчкі чакаюць

Цемры, мроку, імглы…

Ты ня сьпіш і шукаеш

Выйсьце з гэтай вайны…

Мне б у неба

 

11.10.2021

 

А мне б адчуць той смак

І пах паветра,

Мне б у неба

З хуткім ветрам…

Мне б яшчэ пабыць

Хоць трошку побач з домам, тым,

Дзе між сузор’яў зьнічка кожная –

Аб чымсьці сьветлым успамін…

Я - Чалавек

 

5.10.2021

 

Стомлены погляд,

Думкі…

Няроўны сьлед…

Толькі ў сэрцы малюнкі,

І сны – пацалункі,

Дзе Я – чалавек…

Надзея...

 

13.11.2021

 

Надзея…

Я проста хацеў ба верыць

Сэрцам…

Складана бывае

Сагрэцца,

Зьнікае рэальнасьць, і толькі

Месяц

Маўкліва на нас паглядае,

Зьнічкі,

Як сьвечкі, згараюць,

Мо гэта й ёсьць водблескі Раю?

Ноч сыходзіць,

І я ўсьлед за ёй зьнікаю…

Гэта Наш Дом

 

04.11.2021

 

Я штоноч адчуваю радасьць,

Бо мы сапраўдныя!

Мы жывём!

Сёньня час

Змагацца за праўду, бо

Гэта

Наш

Дом.

Нішто...

 

30.09.2021

 

Сьлед на пяску вядзе…

Нікуды…

Сьлед на пяску пакінуў…

Ніхто.

Той, хто пакінуў сьлед,

Загінуў…

Сьлед на пяску –

Нішто.

Back to the sky…

 

 

11.07.2021

Back to the sky…

 

Сьпяшайся, бяжы,

Чакай і шукай…

Да самай апошняй мяжы

Даводзяць боль і адчай…

Мы ж дзеля свабоды,

Грай і сьпявай!

Наша з табой дарога –

Back to the sky…

Вясновае

 

15.11.2021

 

Штосьці зьмянілася…

Пачуцьцё новае,

Першае, лепшае,

І незнаёмае,

Сэрца вось-вось разарвецца,

Поўнае…

Я запытаўся,

Ў адказ:

Вясновае…

Каханьне

 

15.11.2021

 

Гоман…

Шэпат…

Цішыня…

Пах…

Пачуцьці…

Цеплыня…

Госьць

 

11.11.2021

 

Больш ня будзе суму,

Не сустрэць там болю й сьлёз…

Так прыемна думаць:

Штосьці па-за сьветам нашым ёсьць…

Толькі не сьпяшайся,

Братка, да нябёс…

Ты ў жыцьці толькі імгненьне,

Госьць…

Быць разам

 

06.11.2021

 

Я прыйду…

Прынясу свае новыя вершы…

Гэта не арыгінальна, ды й я,

Вядома, ня першы…

Прачытаю наш лёс:

Сьвятло згасіць маўклівы дом…

Хай ня лепшымі зь лепшых,

Разам быць пад касьмічным сьвятлом…

Не як усе!

 

11.11.2021

 

Што б ні было,

Ідзі наперад,

Не спыняйся,

Шлях сьвятло падкажа

Прамянём зь нябёс...

Ня згодна правілаў,

Насуперак,

Сабой – не як усе,

Жыві, не сумнявайся,

Ў шчасьці з асалодай лёс…

Жыцьця адценьне

 

10.11.2021

 

Гэты каляровы сьвет

Жыве адным імгненьнем.

Мы ж жадаем затрымацца,

Зазірнуць празь век,

Даведацца пра лёс,

І ў пошуку бясконцым

Заўважаем не жыцьцё,

А толькі вецер і жыцьця адценьне,

У якім надзея

Ўкапках сьлёз…

Мы й ёсьць Бог

 

09.11.2021

Што б ні было,

Жыцьцё ня зьменіцца

Й не замарудзіць ход…

Сусьвет ня зьнікне,

Зоркі, як і сёньня,

Будуць ладзіць карагод…

Было б сьвятло,

Нас не зламаюць

Болю полымя й астрог…

Мы парасьцем з насеньня

Будзем зноў і зноў з’яўляцца

Ў гэты сьвет, бо мы й ёсьць Бог.

Карнавал

 

08.11.2021

 

Пераварот…

Тэрор

І правакацыі…

Шалёны,

Гідкі карнавал…

Пачуўшы “Генацыд”,

Успамянуў 30-я?

Канвэер цягне й тых

Хто спаў.

Вада - бясконцасьць

 

06.11.2021

 

На гэтай плянэце

Толькі вада…

Хто плавае,

Век пражыве.

У гэтым сусьвеце

Ні межаў, ні дна,

Бясконцасьць…

Зьнік – аджыве…

Доля...

 

03.11.2021

 

Я растану з восеньскім ветрам…

Паплыву над Зямлёй паволі…

Можа там, у свабодным паветры,

Заблукала шчасьлівая доля…

 

Праляцеўшы жыцьця кілямэтры,

Затрымаюся мімаволі…

Дзе ж надзея й лёс той сьветлы?

Пашукаю я іх у полі…

Толькі Любоў

 

03.11.2021

 

Я йду праз двары

Між панурых дамоў,

Праз дарогі й крывыя

Мярэ́жы мастоў…

Я бягу ад усіх,

Ад сябе й ад сноў…

Там, дзе поле,

І гоман сьціх,

Больш нічога няма,

Толькі Любоў…

Каб сагрэцца...

 

01.11.201

 

Жыцьцё й боль…

Я бачу праз сваё вакенца

Мора й соль…

Гарыць агонь…

Мы побач толькі

Каб сагрэцца,

І свабодныя

Бы лісьце ўвосень

Зноў…

Вада...

 

01.11.2021

 

Вада, вада…

Вакол вада,

І…

Толькі Я…

Вада, вада,

Ня бачна дна,

Канцу няма,

А ёсьць Яна́,

І Я…

Адны...

31.10.2021

 

Усе мы людзі адной Зямлі…

Усе мы разам, побач,

І, ўсё ж, адны… 

Гісторыя Здымкаў

 
27.10.2021
 
Як жывая легенда
Каханьня, абдымкаў…
Часам наша жыцьцё –
Гісторыя здымкаў…

Гэта Сон...

 

26.10.2021

 

Я з табой…

Гэта сон…

Пальцы ціха кранаюць паветра…

Мы падобныя чымсьці на дым,

Што згубіўся ў небе

З першым подыхам ветру…

Дзікая краска

 

22.10.2021

 

Дзікая краска

Ў прыродзе

Гарыць ярчэй!

Мне не кажыце

Яе назву,

Толькі

Колер вачэй…

Скрозь дым

 

22.10.2021

 

Скрозь дым

Гляджу ў пустату…

Я целам тут адзін

Сьвядома ў гэты час жыву…

Жыцьцё

21.10.2021

 

Мы ня бачым жыцьцё,

Праляцім толькі ўздоўж…

Існуем, нібы сьлед на вадзе,

Што пакінуў дождж… 

Я й мой цень

 

20.10.2021

 

Адкуль шэпат?

Нібы зь нябыту гукі…

Я спыніўся й стаю як пень…

Зьбегчы б! Не…

Мяне трымаюць нябачна рукі…

Разам будзем ноччу і ўдзень,

Я й мой цень…

Прыгажосьць

 

18.10.2021

 

Прыгажосьць гэта вера,

І каханьне навек…

Прыгажосьць наша мера,

Прыгажосьць ёсьць сусьвет!

Адчуваю - жыву...

 

18.10.2021

 

Крокі нячутныя…

Ціхія гукі…

Адчуваю – жыву…

 

Рэзананс на вадзе…

Ледзь кранаюць паветра рукі…

Сьлед на мяккім пяску…

А мне б...

 

11.10.2021

 

А мне б адчуць той смак

І пах паветра,

Мне б у неба

З хуткім ветрам…

Мне б яшчэ пабыць

Хоць трошку побач з домам, тым,

Дзе між сузор’яў зьнічка кожная –

Аб чымсьці сьветлым успамін…

Туман

 

14.10.2021

 

Густы шэры туман

Бы працяг нашых сноў…

Ён, хаваючы бруд і пакуты,

Зафарбуе аблокамі сьцены нашых дамоў…

Маўклівая ціш...

 

6.10.2021

 

Калі сплю,

Мне месяц сьпявае тое,

Пра што ты маўчыш…

Адчуваю,

Як зноўку

Сабе пакідаю мінуту,

І дагараю,

Зьнікае ў думках

Маўклівая ціш…

Лес І туман...

 

30.09.2021

 

Лес і туман…

Я тут адзін

Зь нежывых,

Я тут

Самападман…

Мэлёдый простых

Гук, і п’яны вецер

Штосьці сьпявае

Так ціха,

Нібыта я сам

Зрабіўся

Паветрам,

Згубіўся,

Як падае лісьце…

Іх мякка кранае мох,

І цьвіце дурнап’ян…

Лес і туман…

З Свабодаю

 10.10.2021

Пакіньце сабе

Сваё чорнае сонца.

Я той, хто брыдзе

Па дарозе адзін...

Праз літары й слова

Блукаю бясконца,

З свабодаю ў кожнай

З пражытых хвілін...

 

Зямля ў агні...

05.09.2021

 Зямля ў агні...

Гары...

Гары...

Усё згарыць,

А ты

Плыві

Да неба чыстага,

Да новай зямлі...

Атрымаю Сусьвет

 

8.10.21

Забяры мяне, Сонца,

І я атрымаю Свабоду…

Забяры мяне, Неба,

Я толькі пакіну сьлед…

Забяры ў мяне ўсё,

Хай вецер бясконца кружыць карагодам,

Аддаўшы сябе,

Атрымаю Сусьвет.

Каханьне

 

6.10.2021

 

Апошнім пачую твой голас ціхі,

І цела маё распускаецца ў дым…

Зьнікае ў нябыце ўсё,

Толькі кроплі на шчоках каханьня крык,

І я ў ім…

Адзінота

 5.10.2021

Забарабаніў дотыкамі дождж па шклу…

 Я дзесьці тут,

Пра гэта сьведчыць гучна адзінота…

Сьвет бязьмежны мчыць скрозь цемнату,

І кожны ў ім

Мэлёдыі жыцьця ня сыйграная нота…

Заўтра.

 27.09.2021

Заўтра наш прыйдзе час,

Заўтра працягнем бой,

Заўтра кожны з нас,

Заўтра ўсяк герой...

Толькі, дзе мы, а дзе заўтра?

Зараз жыві сабой!

Котка

 

29.09.2021

 

Я звонку, падобна, вожык,

Калючы да ўсяго…

А ў сэрцы вуркоча котка,

Схаваўшы ў сабе цяпло.

Жыць...

 

30.09.2021

 

Ляцець бясконца

І падаць…

Бачыць сонца

Апошнім…

І, зноўку,

Аджываць,

З’яўляцца

І зьнікаць…

Імгненьнем

Кожным…